Hüquqi sənədlərin tərcüməsi

Hüquqi Tərcümə Xidməti

Hüquqi tərcümə xidməti qloballaşan dünyada biznes və şəxsi fəaliyyətlərin beynəlxalq səviyyədə genişlənməsi ilə daha da əhəmiyyətli hala gəlmişdir. Xarici tərəfdaşlarla bağlanan müqavilələr, beynəlxalq məhkəmə işləri və ya miqrasiya prosesləri zamanı hüquqi sənədlərin tərcüməsi ehtiyacı qaçılmaz olur. Hüquqi sənədlərin tərcüməsi zamanı buraxılan kiçik bir səhv belə ciddi hüquqi problemlərə səbəb ola bilər. Buna görə də hüquqi tərcümə peşəkar və ixtisaslaşmış tərcüməçilər tərəfindən yerinə yetirilməlidir.

Hüquqi Tərcümə Nədir?

Hüquqi tərcümə dedikdə, məhkəmə qərarları, müqavilələr, nizamnamələr, vəkalətnamələr, bəyannamələr və digər rəsmi hüquqi sənədlərin bir dildən digər dilə tərcüməsi başa düşülür. Bu prosesdə tərcüməçi yalnız dil bilgisinə deyil, eyni zamanda tərcümə edilən ölkələrin hüquqi terminologiyasına da dərindən bələd olmalıdır. Hüquqi sənədlərin tərcüməsi hər iki ölkənin hüquq sistemi ilə tanış olan və hüquqi məzmunu düzgün ifadə etməyi bacaran mütəxəssis tələb edir.

Hüquqi Sənədlərin Tərcüməsi Niyə Önəmlidir?

Sənəd tərcüməsi xüsusilə beynəlxalq müqavilələrin bağlanması və məhkəmə işlərində böyük əhəmiyyət daşıyır. Əgər sənədin tərcüməsində səhvlər olarsa, bu, tərəflər arasında anlaşılmazlığa və ya hüquqi çəkişmələrə yol aça bilər. Hüquqi sənədlərin tərcüməsi zamanı səhvlər yol verilməzdir, çünki bir sözün yanlış tərcüməsi belə müqavilənin mahiyyətini dəyişə bilər.

Hüquqi Tərcümə Hansı Sənədlərə Aid Edilir?

Hüquqi sənədlərin tərcüməsi çərçivəsində aşağıdakı sənədlərin tərcüməsi həyata keçirilir:

• Müqavilə tərcüməsi

• Vəkalətnamələrin tərcüməsi

• Məhkəmə qərarlarının tərcüməsi

• Nizamnamələrin tərcüməsi

• Bəyannamələrin tərcüməsi

• Patentlərin tərcüməsi

• Şəhadətnamələrin tərcüməsi

• Rəsmi yazışmalar və anketlərin tərcüməsi

Hüquqi Tərcümə Xidmətinin Xüsusiyyətləri

Sənədlərin tərcüməsi zamanı aşağıdakı xüsusiyyətlərə diqqət yetirilməlidir:

• Tərcüməçinin hüquqi terminologiyanı mükəmməl bilməsi

• Hər iki dilin hüquq sisteminə dair biliklər

• Tərcümə edilən mətnin məzmun və formasının qorunması

• Məxfiliyin təmin edilməsi

• Sənədlərin vaxtında və keyfiyyətli təhvil verilməsi

Müqavilə Tərcüməsi Xidməti

Müqavilə tərcüməsi beynəlxalq ticarət əlaqələrində mühüm rol oynayır. Xarici tərəfdaşlarla bağlanan müqavilələrin dəqiq və səhvsiz tərcüməsi, tərəflərin öhdəliklərinin aydın şəkildə başa düşülməsi üçün vacibdir. Bu səbəbdən müqavilə tərcüməsi xüsusi diqqət və peşəkarlıq tələb edir.

Hüquqi Tərcümə Xidməti Niyə Bizdən Alınmalıdır?

Hüquqi sənədlərin tərcüməsi bizim mərkəzdə yalnız hüquq sahəsində ixtisaslaşmış tərcüməçilər tərəfindən yerinə yetirilir. Tərcümə prosesi zamanı hər bir sənəd iki dəfə yoxlanılır, terminlər dəqiqləşdirilir və müştərinin tələbləri nəzərə alınır. Məxfiliyin qorunması bizim üçün prioritetdir.

Hüquqi Tərcümə Xidmətinə Necə Sifariş Verə Bilərsiniz?

Sənəd tərcüməsi üçün sifariş vermək çox sadədir. Sadəcə, sənədlərinizi bizə elektron poçt vasitəsilə göndərə və ya ofisimizə yaxınlaşaraq təqdim edə bilərsiniz. Tərcümə müddəti və qiymət tərcümə ediləcək sənədin həcminə və mürəkkəbliyinə görə dəyişir.